嘟嘟未為億六豪宅心動
鄭裕玲（嘟嘟）昨日現身何文田山道逾億豪宅灝畋峰，為其主持節目《更上一層樓》舉行記者會，其他拍檔包括楊天經、鄧上文和梁嘉琪。眾人身處價值一億六千萬的複式示範單位，貴為圈中小富婆的嘟嘟坦言未有心動：「冇資格買呀！不過冇錢都睇吓，已經好開心。（有冇諗過買？）政府打擊樓市兩個月又收手，或者唔買啲咁貴，買細單位當儲錢。依家有投資股票、基金，自己住層樓，我唔會揸咁多物業，最緊要享受人生。」
對於早前周潤發「撩」合作拍劇，她說：「聽佢講！佢喺內地拍嘢搵咁多錢，我都覺得拍戲拍劇捱更抵夜，好辛苦。」她早前與曾志偉到新加坡為米高積遜妹妹珍納積遜演唱會擔任司儀，順道參觀環球片場：「可以睇到咁多巨星，仲咁近距離接觸，好開心，喺香港可以唔使睇喇！」
鄧上文（左起）、鄭裕玲、梁嘉琪和楊天經，昨日參觀一個價值億六的示範單位。