林欣彤收刺身花勁冧

「小巨肺」林欣彤（Mag）與緋聞男友胡鴻鈞出席活動，獲對方送上以三文魚做成的花形刺身，胡鴻鈞更表示與Mag心有靈犀，逗得她笑咪咪，看來先贏緋聞情敵羅孝勇一仗。

林欣彤昨日聯同《超級巨聲》的胡鴻鈞、周志文及周志康，出席荃灣廣場《巨聲．串爆．情人節》活動，Mag獲胡鴻鈞送上以三文魚做成的花形刺身，對方又表示與她心有靈犀，Mag不但沒有嚇親，反而頗為受落：「我哋成日都係咁講嘢。（佢係咪理想情人？）佢係好朋友，係好男仔。（情人節約咗你未？）情人節我要開工，未有人約我，我期望可以收到曲奇同蛋糕做禮物，我就準備整啲朱古力送畀熟嘅朋友。（期唔期望情人節有人示愛？）我未試過！」

大細孖情人節狂擦

胡鴻鈞則說：「其實同阿Mag好多想法都好相似，可能大家成長環境幾似，所以諗嘅嘢都類似。（情人節點過？）我要開工，應該唔係同阿Mag一齊，我想成班『巨聲』一齊食餐飯聚吓，不過我都預備咗花送畀我媽咪，因為佢係我心目中永遠嘅情人。」

大孖周志文與細孖周志康則笑言，情人節會食日本壽司放題，換取肚腩脹卜卜的幸福感覺。