吳浩康為慈善「打」警察
去年底參加泰拳比賽受傷的吳浩康（Deep），最近獲警察拳擊會邀請於五月進行一場慈善賽，他笑說：「警察搵我喎！我覺得好威，今次為慈善好有意義，為一班曾犯事嘅年輕人奮鬥，畀鼓勵佢哋我好開心。」雖然父親曾反對他再出賽，但經了解後亦表支持。
Deep還踢爆父親得知有警員聯絡他時曾興師問罪，誤以為他又犯事：「知係誤會先冇嘢咋！以前我都憎警察，但依家唔會囉！嗰日去差館開會，嗰一刻感覺都唔同，今次係有建設性，係好事！」由於是次屬慈善賽不分輸贏，Deep表示不會太大壓力：「阿爸同公司唔畀我打，唔係驚我整花塊面，而係驚我受傷，擔心我安全啫！」