周秀娜姣擒志偉：我想要

周秀娜（Chrissie）拍攝王晶新片繼續豁出去，更與宿敵「浸大E神」楊梓瑤（Carol）鬥姣鬥豪放，盛放「胸」前色誘有婦之夫曾志偉及杜汶澤！

王晶新片《猛男滾死隊》中，四大模強攻宅男市場，該片MV和預告片首度曝光。周秀娜、楊梓瑤、冬甩成員Caroline和新八模江怡都扭盡六壬，色誘片中飾演有婦之夫的曾志偉、杜汶澤、王晶和狄易達。向來勇字當頭的Chrissie更不失豪放本色，不但生擒志偉姣叫：「我想要！」更喪露「事業線」與志偉打一對一友誼波，難怪老戲骨志偉也當堂硬晒軚，要叉腰扶穩。然而Carol也不讓Chrissie專美，露事業線之餘，更與杜汶澤有激烈床戲。問到勾引志偉有否尷尬？Chrissie說：「都冇，因為我本身都識志偉，晶哥嘅片又以搞笑為主，所以大家都唔介意。」

自嘲骨妹

此外，Chrissie與男友Avis在新春遊泰國期間，被拍得慾火推油，Chrissie接受電話訪問時自嘲：「見到都驚，個肚腩咁肥，唉！如果我冇嘢撈都可以做揼骨妹！」另外，昨日她出席活動時被問到男友是否很Enjoy？她說：「要問番佢，不過佢反白眼同露股罅已經贏咗！」而Avis則說：「去旅行都唔想畀人跟！無奈！」他又否認預支蜜月：「唔好玩啦！蜜月去泰國實畀佢鬧死！」