豆斗中招唔賀靚靚防播菌

邱淑貞經常陪老公沈嘉偉出席好友聚會，不過近日她患上傷風咳，除了漏夜買咳藥水外，更缺席好友張智霖的結婚10周年派對！

邱淑貞（豆斗）與沈嘉偉向來恩愛，不時做跟得夫人，陪老公出席張智霖及余文樂等好友聚會。不過最近天氣反覆，連向來注意健康的豆斗也「中招」病倒！日前晚上約10時，身穿大褸、紮起秀髮及戴上口罩的豆斗，於司機接載下到灣仔買藥。一臉病容的她甫下車，即急步前往藥房，並向職員表示患上傷風咳，更着對方推介特強咳藥水，查詢一輪後，她即拿着咳藥水付款，最後匆匆上車離開。

晨早放生 晚上開P

患病的豆斗連日躲於家中休息，為免散播病菌，她前晚亦未有陪老公出席張智霖與袁詠儀（靚靚）的結婚10周年派對，現場有余文樂等好友。至於在微博上透露早上放生、晚上開派對的靚靚，接受電話訪問時說：「個派對都有成30幾人，收到紅酒同擺設，順便當新年聚會囉！」不過她坦言沒與老公互送周年禮物：「我同老公呢10年過得好開心，組織咗個家庭，又有小朋友，希望嚟緊20、30周年都咁開心啦！」