Ken下月開騷再現風華
本報在網上發現一張蔡楓華（Ken）的演唱會海報，網友紛紛留言詢問Ken是否重返樂壇？記者致電出品人孫敬安了解，他澄清網上流傳的只是海報初稿，不知何故外流，但承認Ken將於下月26日假Star Hall開騷：「太太盧敏儀覺得Ken好慘，叫我幫吓佢，於是我搵咗幾個朋友合作幫佢搞騷，佢都好積極好聽話，仲話今次盡地一煲，置諸死地而後生！」問到會否擔心Ken情緒反覆？他說：「10年冇嘢做我都癲啦！依家有嘢做起碼有寄託，佢都想搞好演唱會，唔會胡思亂想同神遊太虛，佢仲好努力減肥，瘦咗廿磅喇！」
此外，孫敬安稱內部認購已有數百張，希望屆時能加開一場，若有錢賺還會分紅給Ken：「今次唔係做生意，純粹幫佢！每人都有過去，大家應該鼓勵Ken積極面對，唔應該再踩佢！」
激減廿磅的蔡楓華，個唱海報在網上流傳。