綠葉王同片相爭 鮑姐Vs咪咪 家輝Vs鄧超
今屆提名名單出現不少同片演員相爭的情況，包括《綫人》的張家輝惡鬥謝霆鋒爭影帝、《狄仁傑之通天帝國》中梁家輝與鄧超爭男配角，《月滿軒尼詩》的鮑起靜則與朱咪咪爭女配角殊榮。
而兩度封綠葉王的廖啟智再憑《綫人》角逐男配角，對手超班，包括影帝級的王學圻及泰迪羅賓。智叔表示會樂觀地面對：「入圍者個個有實力，但我唔會懷疑我哋部戲，組合好強！（睇好家輝定霆鋒？）上次家輝拎咗好多獎啦！（叫佢讓霆鋒？）唔係，但相信大家都期望霆鋒得獎！」
至於影后級人馬鮑起靜除了要火併咪咪姐外，還要力抗邵音音、余安安及張靜初，問到信心如何？鮑姐說：「唔敢講信心，有提名已經好好！個個都係朋友，但獎就得一個！」
鮑起靜與朱咪咪（左）於《月》片「爭仔」唔成，今次轉爭女配角獎。
既爭影帝又競逐綠葉王的梁家輝（左），與內地演員鄧超鬥過。