陳善之稱酬勞年年加母子檔廣告價千萬
李嘉欣昨日誕下「兔仔」，其經理人陳善之接受電話訪問時心情靚絕，他說：「好開心！祝BB健康同快高長大，好似父母咁有智慧同咁靚！我之前喺米蘭已經買咗禮物畀BB，等嘉欣得閒啲，我就會去醫院探佢。」
他還透露嘉欣十分緊張BB，雖然她的體質不錯，但短期內仍不會復工：「要再等佢通知，多謝廣告客戶好錫嘉欣，有幾個新客戶都話等佢做代言人！（有奶粉商出千萬酬勞誘嘉欣母子檔上陣？）係有人問過，但要睇嘉欣嘅意願，佢唔想BB咁辛苦同咁早曝光。（升呢做媽咪後會唔會加價？）客戶年年都加，升幅超過10%，總之開心價！客戶話未見過咁幸福嘅孕婦！」據知，有傳奶粉與收身廣告商爭相邀嘉欣拍廣告，但一切都以照顧BB健康為先。
陳善之透露曾有廣告商向嘉欣母子檔招手，出天價邀拍廣告。（資料圖片）