GiGi精選愛歌贈戀人

梁詠琪（GiGi）月底在紅館舉行第三次個人演唱會，她特別從近千首歌中揀選四首送給舊愛和未來的真命天子，而現任男友駐港美國領事館發言人Matthew則會登門跟GiGi母親拜年，一於行外母政策！

相隔八年再踏紅館舞台，GiGi坦言心情興奮，每次綵排完畢都恨不得盡快開騷，她說：「隔咗咁多年再開演唱會，心態已經唔同，我揀咗四首歌送畀以前嘅戀人、未來嘅戀人、以前嘅自己同未來嘅自己，歌詞全部係講自己心聲，希望勾起同齡女性嘅回憶！」

「三戒」保持最佳狀態

GiGi今年首度與男友Matthew共度農曆新年，雖然男友是外國人不太認識中國習俗，但都會上門拜年，她甜絲絲地說：「歡迎所有朋友上嚟我屋企！」適逢舉行演唱會期間是「新正頭」，她說：「可以順便(逗)埋利是，不過我都準備咗六位數利是！」

另外，為了在個唱上以最佳狀態示人，GiGi農曆新年期間「戒食」、「戒出門」及「戒夜瞓」，她說：「新年雖然有好多美食，但都唔可以太放肆，煎炸太油膩唔食得，唔可以去人多地方，因為流感太勁，最重要係早啲瞓，因為我每朝都會同媽咪做運動練氣！」

服裝：ESCADA

化妝：Michele Tong

髮型：Keith Wong

場地：紅雙囍

文：音樂組　攝：李柏儒