楊汀叮羨慕師姐有着落
去年11月，Angelababy率領師妹齊齊為黃曉明慶祝生日，大玩制服誘惑，令曉明驚喜滿「Fun」，當晚Baby還餵曉明食腸仔，好友兼師妹楊汀叮當晚亦在場見證這個冧爆時刻。日前楊汀叮約埋兩位師妹賴慧敏及陳詩雅一同到她與Baby合資的扮靚店扮靚，更趁Baby不在港幫忙粉飾店舖。
對於大師姐Baby愛情事業皆順風順水，汀叮直言十分羨慕，她說：「佢影響我最深嘅，係佢對電影嘅熱誠，自己以前唔係咁鍾意拍戲，不過自從學戲後，自信心大咗，好想好似Baby一樣咁多機會。」同場的兩位師妹亦深感認同，還表示會視Baby為學習對象。對於Baby與曉明同遊澳門，身在美國的汀叮未有回應。
楊汀叮視Angelababy為榜樣，希望由模界跳入電視及電影圈。
陳詩雅（左）、Hilary、Fiona、楊汀叮及Panny扮兔仔迎兔年。