六叔領軍團拜心情靚
無綫賣盤後首個大年初一，103歲的「六叔」邵逸夫一如以往親自主持團拜。他乘坐福祉車直駛入錄影廠，由高層陳志雲推往座位安坐，精神奕奕兼紅粉緋緋。期間，六叔向在場人士揮手致意，而他在港姐陳庭欣及張秀文陪同下與一班董事包括利孝和夫人與梁乃鵬等看畢整個賀年節目，席上又播出他預先錄製的片段，代表公司向大家拜年，但新老闆陳國強則全程未見蹤影。當被追問明年會否出席團拜，陪同六叔出席的方逸華沒有回答，六叔聞言則口噏噏似有事想發表。
向來得寵的汪明荃率先向六叔拜年，問到明年會否希望他依舊團拜，她說：「冇諗！邊有諗得咁多嘢，唔會唔捨得，始終佢年紀大，做咁嘅決定係有原因，我哋應該相信佢。」另外，節目期間一度發生小意外，有舞獅賀歲時失足由梅花樁墮下，幸沒有大礙。
雖然無綫已賣盤，但六叔昨日照舊出席團拜，由陳志雲陪伴入場。
汪明荃與馬浚偉合唱後，與六叔密密斟。
陳庭欣（右）及張秀文陪同六叔睇足全程，讚「阿Sir」精神好。
醒獅賀歲時失足墮下，意頭認真麻麻。