鍾欣桐（阿嬌）、鄭欣宜、林欣彤與王祖藍等前晚錄影《勁歌金曲》，但阻滯多多！抱恙的阿嬌事先聲明「咪嘴」，獻唱冠軍歌《放低過去》，已睇醫生的她說：「唔係流感，其實之前綵排都試過唱Live，但唱到好似『o靚坤』咁，所以惟有咪嘴。」至於向來演出穩定的欣宜亦「發台瘟」，結果NG四次，她亦不禁在台上灑淚，事後她說：「諗起都想喊，我好激動呀！唱咗好多次都唱唔到，好忟自己，驚年卅阻大家收工！」
抱恙的鍾欣桐因「唱不出聲」，最後被迫咪嘴。
