祖兒吸新事物洗腦重生

恭喜發財！容祖兒今年初於樂壇頒獎禮狂擸獎，新一年她最想吸收更多新事物，實行成為娛圈最強，而間中涉足影壇的她，坦言有捧「宇宙最強」甄子丹場，子丹亦讚祖兒做戲自然。

今日大年初一，容祖兒祝《太陽報》讀者身體健康、心想事成！近年樂壇是非不絕，版稅風波、杯葛事件一發不可收拾，樂壇天后祖兒對這不健康現象亦感無奈及惋惜，希望盡一己之力令樂壇再度團結：「唔好四分五裂，要從觀眾同樂迷角度出發，我會盡力喺自己範疇內幫忙。」

唔敢挑戰做打女

歌而優則演的祖兒表示，有入場欣賞「宇宙最強」甄子丹的戲偷師：「最深印象係《葉問》，佢打得好好睇！」但祖兒笑言不會向打女路線進發。另一邊廂，子丹接受本報專訪時亦讚祖兒演技自然：「睇過佢做戲，好自然！其實我都唱得，試過唱《別戀》冧老婆！（慘歌？）笑住咁唱！」

新春佳節，祖兒表示會飛往外地旅行叉電，談到年初於頒獎禮大豐收，再度冧莊「獎后」，她定下兔年目標3R—Restart、Reset及Reborn，笑言要清除體內多餘的Ram，然後再吸收新事物。入行逾十年的她，吸金力特強，但謙稱未夠資格買地做地主。