鄧麗欣夠薑反串扮醜男

金牌大風換上新老闆龐維仁，盛傳是「太子黨」的鄧麗欣（Stephy）被指失寵，但她強調工作未受影響：「去年有好多新嘗試，嚟緊都希望去多啲唔同地方發展，好想參與舞台劇或音樂劇，要我扮男人同扮醜都冇問題！」

對於昔日戰友兼宿敵傅穎是非纏身，Stephy說：「每年都希望少啲是非，但唔到自己控制，惟有做好自己，問心無愧就得！」雖因性格強悍而被指「恰人」，但她認為「硬淨」性格賦予她面對負面報道的力量：「我有自己嘅做事方法，可能有時令人誤會，但冇所謂啦！天生o架嘛！」談到與方力申的戀情浮面，她甜笑說：「都大個喇！感情事唔想多講！」

Stephy不介意反串或扮醜演出舞台劇，實行為藝術犧牲。