「財神爺」城城狂派開工利是
去年忙於拍攝電影及舉行巡迴演唱會的郭富城，農曆新年期間終可休息去旅行，但仍會抽時間陪媽咪：「我每年都會同媽媽食團年飯同睇煙花，之後就會同公司同事做節，大家為我辛苦咗成年，好應該慰勞吓佢哋！」並透露屆時會化身「財神爺」，大派開工利是！
城城表示兔年依舊忙個不停：「4、5月就要去上海同北京做演唱會，啱啱拍完《大鬧天宮》，其實上年真係拍咗好多戲過足戲癮，希望今年可以同更多好導演同演員合作！」除了全力吸金外，榮升馬主的他亦密密挑選良駒：「我想快啲揀到隻好馬，等佢贏多幾場賽事，為『郭富城慈善基金』籌更多善款！」
