陳豪運桔求事業雯女嬌嗲求桃花

踏入兔年，「雙失」陳豪決意將全副心機放在事業上，原本打算到桃花園行「桃花運」，希望兔年感情能開花結果，豈料桃花未能及時盛放，只得零星幾朵，與其感情生活一樣麻麻，難得他百無禁忌，決定去「運桔」！問到新年願望？陳豪說：「我會開始實現夢想，投資開咖啡店，然後逐步發展我嘅咖啡王國。（感情？）我信命運安排，暫時會專注事業，感情要嚟嘅時候，按都按唔住！（養傷一年？）冇呀！冇傷痛呀！總之新一年新開始，我會全心專注工作。」

陳豪誓要在事業衝刺，反觀兩屆視后鄧萃雯則決定新一年要好好實習「嗲聲嗲氣」，希望搵個好男友！她說：「我啱啱至學識嗲，可能冇個男人畀我覺得可以依靠，所以呢兩年同媽咪住至學識點樣去嗲，我演員嚟o架！點會唔識嗲吖！但真正嘅技巧係要放開思想，依家實習中！」至於新年願望，她直言想電視行業有一番新景象，人人有工開，香港社會貧富懸殊可以收窄，政府多關心弱勢社群。另外，日前他相約黃耀明等朋友到跑馬地歎日本菜，她說：「之前都識明哥，當晚佢仲同我講，原來我係佢師妹，因為佢好多年前都讀過訓練班。」