劉晨芝愛情至上苦纏偷食男
自小移居美國、有「亞洲版Beyonce」之稱的歌手劉晨芝（Adrienne），對農曆新年習俗不太認識，當得悉今年是兔年後，喜愛小動物的她即將兔仔一擁入懷，並笑言要沾兔仔的旺氣。今年將推出首張國語碟的她，又引入美國著名設計師Julia Clancey的時裝及其他大熱品牌到港，實行榮升老闆娘！工作計劃多多的她，同時希望感情得意：「有相士話真命天子幾年後先出現，仲會閃電結婚添！其實一啲都唔出奇，因為我係愛情至上！以前有個男朋友，畀我發現佢好多偷食證據，雖然朋友係咁鬧，但我都包容佢，直至心死先飛佢咋！」她希望新年覓得真命天子，並帶給父母過目。她揚言就算婚後亦會繼續做歌手，近日更準備出席格林美大獎，至本月中才返港。
事業全速前進的劉晨芝，希望覓得真命天子。
劉晨芝將推出首張國語碟，歌迷拭目以待。
劉晨芝將兔仔一擁入懷，未知牠抖唔抖到氣？