雷凱欣「胸 」降維園龍友吊高嚟(目及)
雷凱欣前晚無懼嚴寒，以低胸造型踩入維園年宵攤檔，為印有其肖像的商品叫賣，包括「假胸」滑鼠墊及巨型攬枕等，吸引大批男Fans觀圍，更有人自製專用鐵框，舉機凌空拍攝偶像「沙龍照」！患上感冒的她透露，其肖像貨品銷情理想：「電影公司已特登收起成箱滑鼠墊，諗住作最後衝刺！（咁樣畀人『枕』住唔尷尬？）唔會！有人鍾意係榮幸，有朋友話畀錢，叫我嚟幫佢撲貨添呀！（分紅？）老闆話逐樣貨品同我計，會封幾封大利是畀我呀！」
此外，電影公司早前在年宵攤位播放電影宣傳片段，惹起公眾關注，食環署亦已採取行動禁止播放，監製蕭若元對此深感不滿：「有人嚟巡，我哋咪停放囉！」但前晚所見，年宵攤位已沒有播出宣傳片，電影公司公關表示因食環署巡得太密故停止播放。
抱恙的雷凱欣仍大晒「事業線」，果然敬業。
男粉絲自製「超高腳架」狂影女神，同樣敬業喎！