DaDa雙語出擊誓賺１億

去年由屯門搬入豪宅的「百果園咪神」陳靜（DaDa），今年攻入內地樂壇「雙語」出擊，一身性感兔女郎打扮的她更許下吸金宏願，誓要密密做賺夠一億！

去年憑事業線成功上位的DaDa，已賺到笑搬出屯門，更升呢搬入400萬西九龍豪宅，連跳幾級做上等人，今年她再接再厲，誇口許下一億宏願！她說：「好想搵一億，呢個係我嘅宏願，不過一年梗係唔得啦！我會分十年，將目標Set得高啲，個人就會努力啲。（一年想賺千萬？）係呀！當然工作之外都係投資上賺錢，買樓嗰方面努力啲，如果有個好嘅價錢，我想趁樓價好就考慮換樓，細屋搬大屋！」

事業方面，一向普通話流利的DaDa今年將主攻電影及內地樂壇，並預告推出終極性感寫真集，實行密密做。為了滿足宅男口味，她打算到上海取景，拍攝終極個人性感寫真集，一於將事業線無限伸長，她說：「其實我最想都係搵人仔。（咁快終極寫真唔怕Fans唔開心？）我未出過個人寫真，一出就出終極，係第一本亦係短期內最後一本，因為今年想專注拍戲（恨有桃花？）不嬲都恨，不過都係工作行先，依家趁後生仲係搏殺期，搵多啲錢畀屋企人。」

團年飯逗利是

另外，施念慈（Celia）為慰勞旗下模DaDa、Liz、梁雅淳（Bambi）、蔡瑩瑩、鄧伊玲、梁郁霖及鍾永慧，八女齊吃團年飯慶祝新年，Celia拿出利是派發，邊派邊說：「我畀你哋拍拖，因為拍拖先會令人變靚，我希望你哋愛情、事業兩得意，不過最重要係正桃花，兼要畀我過目。」