貝安琪望識開心果男友
模特兒貝安琪（Ankie）與母親劉香萍昨日結伴到維園行花市，除了挑選水仙花及風車外，Ankie更餵母親吃缽仔糕，場面溫馨！經過揮春攤檔時，劉香萍竟挑選「早日嫁出」的揮春給女兒：「作為父母，都想個女搵到如意郎君，不過我唔會催嘅！」Ankie亦希望早日找到男朋友：「依家都有同人出吓街，睇吓啱唔啱傾，始終溝通最重要！（擇偶條件？）必須心地好，同埋時時刻刻都開心！」
另一邊廂，張達明為宣傳棟篤笑，昨日竟以惡霸造型「收陀地」，手持桔、出奇蛋及奶粉罐的他高呼：「我冇奶用，要用出奇蛋換奶粉！（怕唔伯畀人趁亂『偷桃』？）唔怕，壞蛋先會隱隱作痛，我係好蛋蛋！」
貝安琪黐着桃花，希望新年有好姻緣。
貝安琪餵媽咪劉香萍吔美食，認真孝順！