扶實老婆睇醫生子丹避談有喜
賭王何鴻燊昨日到養和醫院作例行身體檢查，吸引近半百傳媒到醫院門外採訪，期間巧遇多位圈中人到醫院求醫，其中「宇宙最強」甄子丹陪太太汪詩詩睇醫生，全程拖實太太，呵護備至。提到有傳太太疑有喜，子丹即說：「唔講呢啲！」兩人逗留了約一個小時後離開，子丹心情靚爆，還主動向記者說：「新年快樂！」現場所見，子丹十分照顧詩詩，即使只有幾級樓梯也選擇搭電梯，不想太太操勞。事後記者致電子丹，他強調：「我陪太太去睇普通科醫生。」而詩詩接受電話訪問時與老公口徑一致，否認有喜：「我只係隻眼有少少發炎，所以去睇醫生，老公驚我睇唔清楚會跌親先扶實我，我今年一定唔會有BB，因為啱啱先開咗公司，好多嘢要做。」
其實上周子丹與太太出席海洋公園活動時，已加倍呵護太太，傳出詩詩懷孕。子丹與詩詩對懷孕均不願多談，可能是因去年四月詩詩曾小產，今次想胎兒穩定下才向外公布。
甄子丹陪老婆汪詩詩睇醫生，全程拖到實。
甄子丹與愛妻汪詩詩（左）及姨仔汪圓圓出席《最強囍事》首映禮。