留港「開戰」Josie忍痛推昆頓新作

自與荷里活公司簽了經理人合約後，何超儀（Josie）多次獲國際級導演垂青，繼史提芬蘇德堡的《Contagion》及米奇洛基的《Courier》後，「鬼才」昆頓塔倫天奴亦邀請她接拍《The Man With the Iron Fist》。不過，由於此片要到上海開工一個月，適逢何家爆出爭產風波，二房上下要求她不要離港，一方面協助照顧母親藍瓊纓，同時盡量參與家庭會議，故她只好忍痛推戲！不過，另外有指Josie今次推戲，是不滿昆頓拒放她一天假出席舞台劇的北京記者會，Josie認為對方太霸道，故未有合作。

鄧兆尊支持決定

據知，Josie本在該片飾演女殺手，記者昨日致電其經理人公司的魏先生，他說：「Josie之前的確係接咗昆頓部電影，依家推咗亦係事實，不過都冇辦法，佢向來慣咗逆來順受，而且喺佢心目中，屋企人先係最緊要！」

對於Josie的決定，好友鄧兆尊力撐她相當正確：「我好支持佢，所有嘢都應該以家中為先。」問到他當年是否一樣，他笑說「梗係冇啦！我邊有佢咁多嘢做呀！」