君如華倩又讚又摸輪撲古仔

吳君如與古天樂早前拍親熱戲，陳可辛親自監場！君如前晚坦言即使曾多番勸喻，對方都不肯離開，認真愛「妻」心切！

吳君如、古天樂、陳可辛及女兒、以及曾華倩等前晚出席新片《神奇俠侶》慈善首映，君如不經意騷事業線，她笑言抱恙上陣，是冒生命危險騷出來！谷德昭爆君如與古仔有場床上戲，沒料一見監製陳可辛探班即變得慌失失，君如笑指拍陳可辛的戲沒有公私分明：「佢對我要求好高，行開行埋一句都潤我！（唔再合作？）盡可能唔合作，好混淆、好攰！知幕後嘢會惹嚟殺身之禍，搞出人命！我同古仔排床上戲，佢又唔肯走，叫佢快啲返去瞓，咁老仲成頭白髮都唔肯走！」

君如與古仔受訪期間，華倩竟以9秒9姿態衝過來，兩女更齊齊對古仔又摸又讚，君如更力Sell華倩給古仔：「佢有啲地方好大……我係話間屋！」華倩喪笑反擊：「細個我就唔會考慮，不過你就考慮吓！」華倩又作狀挨在古仔胸膛，令他相當尷尬！另外，對於陳國強入股無綫，華倩表示雙方認識，望無綫製作更好節目。

鄭中基否認分身家

另一方面，對於被判准與蔡卓妍（阿Sa）離婚，鄭中基表示沒有太大感覺，有指內庭審理基於阿Sa要分身家，他說：「冇啲咁嘅事！冇分身家，冇錢銀問題，唔需要贍養費，唔涉及金錢！係手續上程序，唔需要上庭，一直財政獨立，冇共同物業！」