陳豪不問世事努力拍劇

陳豪昨日與名模Cara G.出席錶行剪綵儀式，對於陳國強入主無綫，緋聞多多的他笑言不擔心被秋後算帳：「唔驚，我向來不問世事，只係努力拍好啲戲，我諗觀眾鍾意睇我做戲多過我啲緋聞！（觀眾鍾意緋聞多啲喎？）咁我兩方面都要努力喇！不過拍拖要等命運安排！（對新老闆有咩期望？）希望樣樣都好過以前，有多啲好劇、有唔同嘅對手同題材！」

陳豪自言鍾愛名錶，但收藏貴精不貴多，兩隻珍藏亦只屬入門級名錶：「有隻錶我鍾意咗好耐，不過價值6位數，我唔係買唔起，只係想保留呢個夢想！」他透露今年將開設咖啡店，完成多年心願。

陳豪既有名錶，又有美人Cara相伴，心滿意足。