妙芝利是擺設一舉三得
名模歐陽妙芝除了是個潮媽外，更相當環保，最近她與寶貝仔方玉丞及方玉亨利用舊利是封製作新年裝飾，既環保又慳錢，還可以親子樂一番，認真醒目！妙芝表示不少人循環再用利是封，她索性用利是封做「孔雀開屏」賀年擺設。兩個寶貝仔平日坐不定，難得做手工時坐定定，令妙芝相當開心：「做手工可以訓練小朋友嘅集中力，同埋發揮創意，加上教埋佢哋環保！」可謂一舉三得！
踏入新一年，妙芝笑言想賣甩老公及寶貝仔：「我真係好有衝動去日本或布吉幾日，一個人行開吓、充吓電！」她更希望兔年有覺好瞓：「自從囝囝出世後，因為佢哋太過精力充沛，又要餵夜奶，搞到冇覺好瞓！最慘係我太醒瞓，老公經常郁嚟郁去，所以我好易醒！」
妙芝望新一年身體健康，囝囝快高長大。
妙芝展示利是賀年擺設，令囝囝愛不釋手。