張可頤爆祥仔齋吔蕉減肥

早前張可頤接手因受傷辭演的佘詩曼，拍攝新劇《法證先鋒III》，昨日她與黎耀祥到商場拍外景。兩人再次合作，可頤笑言十多年前已與祥仔結片緣：「嗰時我同佢拍劇集《香港人在廣州》，今次返嚟要沾吓佢啲運氣！（多年後合作覺得點？）依然開心、依然後生，都係咁好戲！不過今次返嚟，祥仔話要減肥唔同我食飯，我見佢只係食隻蕉同飲一碗湯，辛苦過啲女星！」對於無綫易主，可頤認為不會影響她這類簽部頭合約的演員：「其實呢啲行政嘅變動，對我呢啲部頭合約嘅演員冇影響，我亦對公司嘅將來都有信心。」

記者隨即問祥仔是否要操出六舊腹肌？他笑說：「未有呀！有就畀你哋睇啦！（依家都唔肥！）我拍《義海豪情》時瘦咗十磅，但我係好易肥嘅人，所以要Keep住！」

黎耀祥與張可頤相隔十多年再合作拍劇，依然甚有默契。