羅仲謙撼43吋巨胸男輸凸
無綫藝人羅仲謙、王浩信、翟威廉、袁偉豪與李嘉等昨日為新劇《飛虎》拍攝淋浴戲，個個赤裸半身上陣，下身僅包着毛巾，加起來「十點盡露」！身材最勁的是擁有43吋胸肌的李嘉，他表示並無特別做Gym谷大隻，反而做瑜伽及練功夫，還踢爆其他男演員埋位前不停做運動谷肌：「有就有，冇就冇o架啦！不過大家好努力，個個都Fit。」至於有「巨胸謙」之稱的羅仲謙本以為可以騷「哥利」，但他竟大叫有壓力：「以前身邊冇咁多咁大隻嘅人，依家拼埋落佢哋度，完全唔覺得自己係咩一回事呀！反而覺得自己好細粒，冇晒啲廣告喇！唔夠食呀！」
操Fit增說服力
王浩信則表示為拍攝該場半裸戲，特別收身減五磅：「之前有朋友話我有少少肥，所以咪減囉！依家淨係食雞柳同蛋白，同我隻狗一齊食呀！希望身材再好啲，咁觀眾睇起嚟都覺得我哋似飛虎隊。」
王浩信出浴前特別做掌上壓谷胸肌，希望增強視覺效果。
羅仲謙濕身露兩點，論「體」頭絕不遜色！
李嘉（左起）擁有43吋胸肌，兩代港男冠軍袁偉豪及翟威廉只能望胸興嘆！
羅仲謙拍劇成功入屋，吸納不少學生粉絲！