譚校長戥賭王辛苦
殿堂級樂隊溫拿前晚錄影亞視春晚節目，鮑起靜代表亞視帶滋潤湯水探班，令溫拿五子驚喜不已！對於近日何鴻燊（賭王）爭產案，五子認為錢的威力雖然大，但做人應該及時行樂，夠飲夠食便夠，當中譚詠麟（校長）說：「何鴻燊佢老人家辛苦啦！佢有自己嘅諗法，佢識得點處理，真係我哋嘅偶像！」而鍾鎮濤（阿B）則說：「其實一家人最緊要就係一團和氣，好似我哋溫拿咁咪一家人囉！冇計較！」
另一方面，對於陳國強入主無綫，問到可有信心與「四大」破冰？校長說：「如果再係咁落去，只會三輸！一係家庭觀眾冇嘢睇、二係歌手冇得宣傳、三係公司會蝕晒啲藝人！（恭喜陳國強？）我事前唔知情，知就買定股票啦！佢話忍住唔講都忍得好辛苦，不過我都有打畀佢致賀！」
校長飲湯飲到O晒嘴，Chok過不少「80後」！
鮑姐（左二）代表亞視送湯探班，溫拿自然飲咗先講。