搞笑能手張達明投資百萬元，將於三月八日舉行《一於做壞旦》棟篤笑。他笑言香港「大把壞蛋」，身邊亦不乏「壞蛋」朋友：「黃秋生成日畀人影到同女伴行街，點解會冇事？吳鎮宇做乜要喺餅店同人打交？」他直言不擔心老友生氣：「我會請佢哋睇騷，仲會請佢哋上台添！我依家係畀個機會佢哋澄清，睇吓佢哋到時上台講啲乜！」闊別棟篤笑舞台三年，今次開騷卻撞正天后王菲個唱，難得達明「冇有怕」：「我都買咗佢啲飛！王菲嘅演出出名係唔郁嘅『不動產』，我個舞台就大把嘢玩，大家性質唔同！」
張達明再開棟篤笑，玩寸星級老友趣事。
