呂方情場得意三女爭崩頭
忙於準備個唱的呂方，獨家接受ontv的專訪，盡訴心中情。談到年前與鄭裕玲（嘟嘟）甩拖後的感情生活，他表示已有着落：「依家有拍拖呀！應該係有女性朋友對我有意思，唔係一個而係三個！佢哋全部都係三十幾歲左右，專業人士囉！有香港、有內地嘅！有乜好出奇啫？我唔可以有女仔追o架？」
他坦言過往拍拖似坐監，現已重獲自由：「我有咁多女性朋友，又唔覺得我花心喎！做朋友之嘛，我都坐咗十六年『監』啦！依家重獲自由，仲係一隻冇腳嘅雀仔咁周圍飛，仲唔周圍瞄咩？」想知道呂方與嘟嘟分手後如何重生，即登入ontv的娛樂台睇片啦！
