張繼聰籲和氣收場望Kay解禁

張繼聰與師妹梁佑嘉（Abella）接受《娛樂 on Show》專訪，他直言希望「四大」與無綫和氣收場，讓太太謝安琪可再出鏡。

入行五年的張繼聰，年前不時為無綫擔任節目主持，因而被指是「志雲派」。他日前與師妹梁佑嘉接受《娛樂 on Show》專訪，澄清未有受早前志雲停職而影響工作，還與主持周吉佩無所不談。

向來內容精彩的《娛樂 on Show》，邀請張繼聰暢談近日無綫的「風雨」。問到早前陳志雲曾一度被停職，對他的工作有否影響，張繼聰說：「我已經練到冇咩人可以影響到我！因為每個人都唔應該畀任何人影響到，當時我搞緊舞台劇，又要忙住做唱片，所以實質冇大影響。」目前無綫與「四大」關係仍未解決，太太謝安琪（Kay）屬「四大」歌手之一，繼續冇得出鏡，故他希望早日一團和氣：「其實我本身唔係『四大』歌手，所以冇影響。唯一影響係成日有人以為我係『四大』，所以成日有啲『帽』唔覺意戴咗我度。我哋始終唔知公司同公司之間協議，但如果純粹作為歌手或者樂迷，我當然希望一團和氣會好啲，應該多啲平台畀多啲歌手演出，對觀眾開心好多。」

梁佑嘉出道冇壓力

至於剛入行的Abella以爽朗形象出道，問到在這「亂世」中出道會否有壓力，她說：「唔會！樂壇要百花齊放，如果去一個活動來來去去都係嗰啲歌手，觀眾可能都覺得唔夠新鮮感，如果解決到係一件好事。」