泳兒耍太極買桃花催運

英皇女歌手泳兒，每逢農曆新年都會被親戚追問戀情，而泳兒笑言會「四両撥千斤」，以「好忙」作回應；她自爆寧願買細株桃花，也不會買假桃花作家居擺設。

泳兒向來重視農曆新年，今年她難得放新年假，準備到親戚家拜年，她表示還會向媽咪偷師，學整年糕及賀年佳餚：「我本身最叻整沙律，其他餸菜都唔係好叻，所以想趁新年跟媽咪學整年糕同髮菜蠔豉。」泳兒指每逢新年，例必「每年一問」，被親友追問感情狀況及何時結婚，而她則會見招拆招：「佢哋追問我有冇拍拖，但我通常答『好忙，未有時間』。」

積極儲錢準備置業

泳兒自爆有買桃花的習慣，並自爆瘀事：「試過有年買咗一棵大桃花，以為愈大愈好，點知大得滯唔夠位擺，仲阻住啲位，所以我寧願買棵細嘅。（買假桃花當擺設？）梗係唔會啦！買真嘅好啲！」泳兒最近積極儲錢準備置業：「我想買樓畀家人，依家物色緊，地區係港島區，唔可以話吸金成功，我仍需努力，不過我一邊賺錢一邊慳錢，希望兩年內可以達到買樓目標！」另外，泳兒的新歌《有誰來愛我》播放率不俗，令她注下強心針，指這是最佳的新年禮物。

文：專案組　攝：黃叔榮

化妝：Cyrus Lee@Beauty Tech

髮型：Ziv. Y@Orient4.com.hk

場地：DNA