周柏豪自認爛命一條
周柏豪早前被指借何超雲及超蓮兩姊妹宣傳，被封為「花心仔」，縱使他多次澄清與兩人只是普通朋友，但緋聞卻愈寫愈誇張，柏豪承認吃不消：「冇發生過嘅嘢講到似層層，好得人驚同有啲危險。我係自力更生，畀人感覺借人上位唔係幾好，自己係爛命一條，唔想屋企人承受不必要嘅閒話。（要面子？）當然。」
他承認大男人，更坦言做每件事都是過到自己心理關口：「靠自己係會開心啲。（幾時真係搵個女朋友？）都想，不過事業啱啱起飛，感覺上工作緊要啲。」他希望短期內可買千呎大屋與家人同住：「依家自己住，一直都好想同屋企人住，但買大屋嘅距離仲係好遠。」
周柏豪坦言不靠緋聞上位，要自力更生。
柏豪希望買千呎大屋與家人同住。