伍允龍視霆鋒如親人
功夫了得的伍允龍透露，因父親在芝加哥開設拳館而愛上中國武術，甚至放棄執教鞭，隻身來港拍電影。為了將中國武術發揚光大，他正籌備推出武術書：「我知好多洋人都對詠春有興趣，希望本書交流習武心得！」隻身來港發展的他，幸獲父母無限量支持，他亦會每晚致電回美國「報平安」，認真孝順！
此外，他在港結識到一班好朋友如謝霆鋒、謝婷婷及安志杰等：「喺香港冇屋企人，全靠呢班朋友畀到家人嘅感覺我，好似我親人咁！」他透露農曆新年將返美國度歲：「我哋係傳統家庭，過時過節都想一家人開開心心！（催婚？）又唔會喎！佢哋唔會畀壓力我，自己亦唔急！」
對武術甚有研究的伍允龍，表演凌空踢腿及一字馬。
伍允龍準備推出武術書宣揚中國武術。