吳君如背陳可辛嗒祥仔糖

吳君如今年有兩部賀歲片《我愛HK開心萬歲》及《神奇俠侶》上映，她曾揚言偏心男友陳可辛監製的《神》片，但獲悉曾志偉因喪父而未能宣傳《我》片後，即義不容辭孭飛，並大讚視帝拍檔黎耀祥有魅力！

賀歲檔期向來是兵家必爭之地，一向多產的吳君如今年更同時擔正兩部賀歲片《我愛HK開心萬歲》及《神奇俠侶》。早前她揚言偏心由男友陳可辛監製的《神》片，但獲悉《我》片的曾志偉因喪父而未能配合宣傳後，即二話不說肩負宣傳《我》的重任，可謂患難見真情！對於在《我》片中慘遭視帝黎耀祥糟質及掌摑，她笑說：「邊個唔想同視帝合作呀？我同佢講你客串啦，最多我頒個視帝獎座畀你啦，所以頒獎禮當晚我連信封都唔睇，就頒個視帝畀佢！」

君如坦言祥仔在圈中久經磨練，成功為他增添一種魅力：「睇電視劇佢做毛舜筠男友，係女人都覺得佢有魅力啦！（嗒佢糖？）食飯（睇電視）嗰時咪嗒囉！」問到會否再拍電視劇，她說：「唔會喇！不過如果黎耀祥開到口，就『還』番一場戲畀佢，記住係一場戲咋，唔係一集呀！」

讚林峯有潛質

對於Chok遍歌影視的林峯未能參與《我》片，君如大感可惜：「嘩！林峯旺呀！惟有出年啦！佢好有潛質，不過如果講票房，就要睇多幾部戲！」她又表示最開心是能與午馬及馮淬帆再度合作，勾起不少回憶。