徐子珊破壞王整爛桃花
外表Cool爆的徐子珊,原來亦甚為傳統,農曆新年會穿母親買的紅色內衣褲沾旺氣,家中亦會擺放桃花,但自爆小時候相當百厭,試過破壞桃花,結果慘被母親開年!
加入娛樂圈多年,子珊再忙亦會抽空四圍向長輩拜年拿利是,去年她與父親到深圳親戚家拜年,利是「收入」相當豐富:「見有小朋友排隊講恭喜說話,我又跟住做,咁就會有利是,計計埋都有成5位數字,好和味!」
單身的子珊每年有派開工利是的習慣,但笑指母親想她正式以太太身份派利是,她說:「我都恨拍拖o架 !長輩都擔心,好想我快啲有個家庭,聽朋友講生小朋友好幸福,都好想搵到個照顧到我、有責任感嘅另一半,最好唔係圈中人啦。」
徐子珊笑言已跟父親說好,今年亦要返鄉下拜年拿大利是。