陳偉霆懶理阿Sa打翻醋埕

陳偉霆和女友蔡卓妍（阿Sa）愛得癡纏，不過他心目中的女神竟不是女友，而是黑人索女模特兒，未知他此言會否令阿Sa打翻醋埕。

陳偉霆（William）力求每張唱片都帶給歌迷新鮮感，故最近他正和音樂人莊冬昕構思新作，早前開會時，他提議創作一首有關「女神」的歌曲，將其幻想世界中的虛擬「夢中情人」現實化。問他「女神」是否正是阿Sa？他竟斗膽說：「唔係喎！佢係我現實世界中嘅女朋友，女神只係幻想，同現實係完全唔同。」

再嘗試填詞

至於其「女神」的模樣，他覺得又高又瘦的黑人女模特兒最接近他的指標：「我諗住搵個黑人女模特兒做我呢首新歌嘅MV女主角，仲要佢出席晒我所有宣傳新歌嘅活動，其實搵黑人女模特兒做拍檔，外國已經一早流行。」不過「長包」一位外籍模特兒，宣傳費定必「超額」，故他不知道公司可會通過他的「申請」。

William表示在新碟中，將會再嘗試填詞，自言對填詞方面有天分的他說：「以往嘅作品，公司一次都冇退過貨喎！」而最近得意之作，就是寫和阿Sa拍拖心情的《愛你太快樂》，他自豪地說：「我聽到有人讚o架！」