前亞姐張家瑩近日與藝人袁文傑攜手拍亞視節目，日前兩人接受電台訪問，張家瑩透露與亞視只是部頭形式合作，今次更是由監製出糧給她，她表示未試過被亞視拖糧：「好多時都準時出糧，偶然都會遲少少，原因係個客拖公司，當公司收到錢又要經會計部再出畀我哋，都明白同理解。」問到有機會會否簽約無綫？她笑說：「應該走唔到。」而袁文傑則表示曾與被指遭亞視拖糧的黃麗梅出埠拍攝，問到有否慰問對方？他說：「見佢好開心冇乜事，我都有問過佢做乜唔跳槽，佢話喺度（指亞視）發揮大啲，仲話唔係為錢。」
張家瑩與袁文傑拍亞視節目，談及拖糧事件。
