多倫多華裔小姐冠軍倪晨曦（Elva），因緣際會下成為江若琳師妹，在港工作不斷的她，早前放假十多天，即飛返多倫多會家人：「媽咪日日都煮好多餸，食到我肥晒！不過當地餐廳食物分量比香港大，以前我可以食成碟意粉同一個Pizza都冇問題，今次只係食到一半，可能喺香港食細咗個胃！」此外，闊別家鄉一年的她，放假期間不時與好友相聚：「最好玩係幾個朋友齊齊去安大略湖四圍影相，好似返到學生時代咁！夏天我哋成日喺度燒烤，雖然冬天個湖面結晒冰，但成班人一齊好溫暖！」
倪晨曦趁假期返加拿大陪家人，又與朋友遊冰湖，樂而忘返。
