天明今年迎娶周家蔚舌累飯應

洪天明在節目中向周家蔚許下「愛的承諾」，計劃今年拉埋天窗並在外地舉行婚禮，一直扭擰的周家蔚即舌累飯應：「我鍾意，石澳都得！」文：影視組

洪天明與周家蔚、江欣燕與老公吳積遜及章志文夫婦最近錄影節目《心有靈犀》，席上齊齊感動到喊，主持田蕊妮取笑洪天明對女仔很有興趣，但周家蔚則讚男友孝順又純品，天明亦唱歌冧女友，但望着周家蔚又感動得眼濕濕，哽咽唱不下去，周家蔚即與男友合唱解圍。其後，天明當眾許下「愛的承諾」：「我會畀晒啲錢佢，同埋負責晒佢所有嘢。 」主持問到是否認定了周家蔚？天明說：「我係，唔知佢係唔係！」周家蔚則說：「我都係第一次聽到佢話乜嘢都由佢負責。」

先註冊後擺酒

另外，天明昨日以嘉賓身份出席周家蔚早前拍攝的節目《環迴玩轉新西蘭》記者會，他透露希望今年結婚，會先註冊後擺酒，因他與父親洪金寶都有很多朋友，難覓場地。而周家蔚被問到天明是否已求婚？她說：「咩叫求婚？」天明說：「呢啲係我哋嘅秘密！」天明更希望在外地舉行沙灘婚禮，周家蔚即舌累飯應：「我鍾意，石澳都得！」