阿佘陳豪同聲同氣:拍好o的戲

早前因跌甩手骹被迫辭演新劇的佘詩曼,昨日秘密睇骨科。對於近日「殼王」陳國強入主無綫,阿佘與緋聞男友陳豪口徑一致:「做好本分,拍好啲戲!」

原定參演無綫新劇《法證先鋒III》的佘詩曼,早前從內地返港時,跌甩左手手骹,要打石膏及休養六周,被迫辭演,由張可頤頂上!

昨午3時半,戴上冷帽、黑超、身穿外套及雪靴的阿佘,左手打着石膏,由經理人陪同乘的士離開半山寓所,前往佐敦一幢商業大廈睇骨科。經過一小時治療後,阿佘戴上固定手套,令左手未能穿入外套,僅披着膊頭,落樓梯時還要借助右手扶住欄杆慢慢行。記者上前問到傷勢如何?她友善地說:「睇咗醫生好啲啦!(新一年有咩大計?)隻手傷咗要休息一排。」有傳去年因失落視后而感心淡的阿佘,被問到新老闆陳國強入主無綫,她說:「我哋做演員嘅,最緊要做好本分,拍好啲戲,但依家養好傷先。」其後乘的士離開。

至於阿佘的緋聞男友陳豪,昨日與鄭少秋(秋官)拍攝無綫新劇《心戰》。問到陳國強入主無綫,不知情的陳豪說:「我唔識陳生,但聽過佢個名。(有咩睇法?)抱住樂觀態度,所有嘢會更加好。(加人工?)So far so good,依家都開心滿意。(怕唔怕新老闆重女輕男?)唔理,做好本分,做好自己,拍好啲戲。」

「老闆」缺席初一團拜

資歷較深的秋官面對無綫人事變動,他說:「朝起朝落,走嚟走去,我都係得閒返嚟拍吓劇!(期待加薪?)員工都想生活好啲,依家物價高漲,TVB賺多啲,員工士氣就好啲。」而備受力捧的林峯則說:「六叔同方小姐都做得好好,對陳生入主有信心,希望日後有更高質素嘅製作!」另外,以陳國強為首的財團將入主無綫,但在大年初一賀年節目中,據知陳國強將外遊暫不會以新老闆身份現身派利是,而仍然是主席及副主席的邵逸夫和方逸華亦不會出席。不過,無綫已製造膠套利是封迎新歲,以TVBUDDY作立體圖案,小朋友取出利是錢後又可循環再用放八達通,這個意念,未知是否因前八達通CEO陳碧鏵加入TVBS而來?

《on.cc東方互動》推出全新購物網站《生活購物》,大量賀年及婚禮用品3折起發售。

追蹤組

阿佘到佐敦睇骨科,落樓梯時要扶着欄杆慢慢行。

陳豪(右起)、陳茵媺及鄭少秋對無綫股權變動,各有睇法。

睇完醫生後,阿佘乘的士離開。