黎明愛將文詠珊（JM）昨日出席化妝品活動時表示，本打算與家人外遊度歲，不過由於過年後要拍戲，現未知能否成行。問到情人節是否陪男友？她說：「睇吓點，唔講呢啲喇！（分咗手？）唔係，我一向唔想喺工作時間講感情！（公司反對？羨慕衞蘭公開？）公司冇反對，每個人方式唔同，我唔係咁喜歡講。（你同男友有冇衞蘭咁Sweet？）唔知呢！」
同場的莊思敏則否認妹妹莊思明與「巨聲幫」的大孖周志文拍拖：「我問過佢，仲警告佢如果拍拖，我要早過記者知，但佢應承時拎轉面！」
莊思敏初入行時「自修」化妝失敗，最終要乖乖交學費。
