靚靚唔敢教路蘭子想沾染幸福
袁詠儀（靚靚）和陳淑蘭（蘭子）與李嘉欣分屬老友，對她臨盆在即亦表示關心，問到已是一子之母的靚靚可有與嘉欣分享生仔經驗？她笑說：「使乜要我啲經驗，嘉欣身邊都有生仔經驗嘅人，好似佢啱啱生完嘅家姐就係一個好例子，佢家姐個BB都好健康，唔使我教啦！」
而與嘉欣同屆港姐出身的蘭子，雖未有BB而不能分享心得，但問她可會與嘉欣的BB上契，她笑說：「嘉欣家姐個老公係我契哥兼又係我介紹，係契都契佢哋個BB先啦！不過，我都好戥嘉欣開心，仲幻想過佢同許晉亨郎才女貌，生個BB一定好靚。（祝福？）佢哋好幸福乜都有，我反而想佢祝福吓我囉！（搵到另一半？）依家未有，我會努力。」
袁詠儀和陳淑蘭對於好友嘉欣臨盆在即，感到高興又開心。
