馬德鐘垂涎羅仲謙「股」色
羅仲謙、馬德鐘與宣萱昨日出席新劇《飛虎》開廠拜神儀式，羅仲謙在劇中有場露股戲，連馬德鐘也期待，羅仲謙笑說：「佢哋成日留意我後面，嗰場戲唔會有坑，只係露少少半圓形。」對於有傳傅穎遭星皓雪藏，他說：「冇可能！呢啲係炒作新聞。（你了解過？）冇！聽啲同事講。（公司愛錫你而放棄傅穎？）公司個個都錫，冇啲咁嘅事！」而過去半年忙於在內地拍劇的馬德鐘，透露近期因扁朓腺發炎引致心肌炎入院，現時病愈但也不能太操勞：「見到個個都好大隻，但係自己冇時間練，只係希望瘦啲，睇落精神啲。」
至於宣萱自爆向監製要求剪短頭髮，效果人見人讚：「男友直情話愛啦！佢話係我最好睇嘅髮型。」不過，首次扮警察的她也偶有失手：「唔習慣警察嘅語氣，第一日開廠都NG咗好多次。」
病愈的馬德鐘（右）見羅仲謙操得如此大隻，慨嘆沒有時間操練。