甄子丹留港度歲買仔女怕

「宇宙最強」甄子丹昨日與愛妻出席海洋公園活動，丹爺於新春期間終可享受家庭樂，他表示太太沒有詐型，反而是家中小朋友經常撒嬌！

甄子丹偕太太汪詩詩昨日出席海洋公園《夢幻水都》揭幕儀式，並細心扶太太上台主持揭幕儀式。丹爺獲委任為「海洋保育大使」，全家獲贈終身入場Pass。期間，海洋公園主席盛智文以「噴射飛人」出場，令丹爺嘆為觀止，他在台上笑說：「若然佢（盛智文）悶悶哋，可以參與我下套戲演出。」他讚對方好型及身手敏捷：「我睇吓佢有冇吊威吔，真係好犀利！」

談到細心攙扶詩詩上台，問到老婆是否有喜？丹爺說：「冇喜！有喜會話畀你哋知，如果有喜，唔係扶佢上台，係抱佢上台。」雖然工作忙碌，但丹爺表示新年期間會留港度歲：「係時候陪吓家人。（太太詐型？）佢冇，佢好明白，反而係啲小朋友詐型，會問點解爹哋又唔喺度，我哋啱啱出嚟做嘢，小朋友都有喊。（旅行？）唔會，得幾日假。」

「武財神」造型曝光

對於有份拍攝的《中國國家形象—人物篇》短片，在紐約時代廣場播放，他深感榮幸及受寵若驚：「之前喺美國住過一排，見到中國地位愈來愈高，同我起初喺美國生活時嘅中國，係一天一地，依家愈來愈好。」

另外，丹爺與姜文擔正主演的古裝英雄史詩大片《關雲長》，將於4月底在亞洲各地公映，於「五一黃金檔期」再度搏殺，片方有信心《關》片票房可超越《葉問2》，並把最低目標定在三億。而丹爺的「武財神」海報造型亦首度曝光，形神兼備，他對造型極之滿意。