李亞男恨嫁等祖藍求婚
林峯和李亞男昨日出席電器店開張活動，他坦言羨慕李亞男與男友王祖藍「日日都係情人節」：「好Dry，都恨拍拖，但女友一定要過屋企人嗰關。新年同情人節咁近，有女友互相去對方屋企拜年好Warm！」但林峯表示不會靠桃花催姻緣：「順其自然啦！我人緣不嬲都幾好。」
李亞男透露公開戀情後，今年可光明正大過情人節：「以前要靜雞雞，都開心，但今年心情唔同，會去男友屋企拜年。」另外，林峯自爆曾和李亞男拍婚紗照，並祝福她與祖藍影真正的結婚照，李亞男笑說：「祖藍從嚟唔講呢啲，鍾意畀驚喜我。（趁情人節求婚？）嘩！嘩！嘩！我未準備好喎！你哋畀啲壓力佢啦！」
林峯羨慕李亞男和王祖藍溫馨滿瀉，他卻Dry到爆想拍拖。