劉嘉玲Choke扮「90後」
賀歲片《最強囍事》前日在北京舉行首映，監製黃百鳴及演員劉嘉玲、甄子丹及古天樂等亦有出席。席間，嘉玲逐一點評片中多個造型，播出o靚模Look時更全場嘩然，她淡然地說：「我都可以扮『90後』嘅啫！」隨即擺出多個可愛甫士拍照！至於甄子丹因檔期問題只於紅地氈亮相，但飾演天才化妝師的他透露，片中亦會「露兩手」：「導演話片酬貴，所以都要我耍幾吓！」而張栢芝因早前在內蒙拍戲傷面而缺席，古仔即場祝福她早日康復。
此外，古仔昨日繼續在港宣傳《最》片，被問到可會再扮「斷背」或作大膽演出？他說：「我冇所謂呀！（揀對手？）咁又冇諗過喎！睇吓劇本同導演囉！」
現年44歲的嘉玲扮「90後」送飛吻，真係正到暈！
嘉玲與古仔玩遊戲時不約而同表示恨與黃百鳴演對手戲。
嘉玲拖實甄子丹行紅地氈，難道不怕偉仔呷醋？
古仔乘坐名車到場，吸引圍觀巿民狂影相。
飾演化妝師的古仔，即席為小朋友化妝，實行考真功夫！