曹蕙蘭最愛開P交換禮物
港姐冠軍（03年）曹敏莉的妹妹曹蕙蘭（前名曹敏寶Mable）非常深閨，最愛與家人敍天倫，幾乎每個月都會在家裏開Party：「我哋一家人感情好好，加上大家姐嘅BB剛剛出生，近來我哋嘅Party都係圍繞BB而搞，個個都送禮物畀佢。」她笑言以前是家中最細成員，受盡萬千寵愛，姨甥出世後即搶去寶座，但她不會呷醋，反而更愛護BB：「以前我被照顧，依家我學習去照顧別人，好有成功感。」
Mable已簽約唱片公司成為樂壇新人，故告別「宅女」生涯：「最近我出席好多公開活動唱歌做騷，認識好多朋友同Fans！」日前她與昔日任空姐時的好姊妹搞了一個小派對交換禮物，怕冷的Mable更收到一對毛毛豬仔拖鞋和一張發熱暖墊，她則以記事簿回禮：「我喺每個月唔同嘅日子都寫咗少少嘢，無論佢哋飛到世界任何地方，只要打開記事簿都會記得我！」
Mable抱着姨甥，母愛氾濫。
Mable最愛搞Party，大家互相交換小禮物。
Mable（上排左）與好友飯敍，為保靚聲滴酒不沾。