陳偉霆不易擊倒

去年「愛神之箭」射中了陳偉霆和蔡卓妍，失驚無神爆出「姊弟戀」，搞到全城哄動。不過這支箭威力驚人，除射中心房，還射穿背脊，當以為公開戀情後便能享受拍拖樂趣時，背後竟然「暗箭」處處，令他們防不勝防，承受了無形的壓力！

被譽為新一代舞王的陳偉霆（William），去年與「香港女神」Angelababy分手後，Baby情傾內地人氣小生黃曉明，William則情投師姐阿Sa。自「陳蔡戀」曝光後，兩人愛得高調，經常在人前晒恩愛，而William出席公開活動受訪時亦不介意將女友掛在嘴邊，惟他表示雖然享受拍拖，但未到談婚論嫁階段，反而各自為事業拚搏。

懶理惡意批評

問他到底有沒有後悔公開戀情？William堅定地說：「冇！從來都冇後悔過。」談到宣布拍拖後，外界出現太多流言蜚語，William亦懶得理會：「點都會有人講，惡意批評當然唔理，加上EQ確實比以前進步咗，個人亦樂觀咗。」他又謂和女友同屬天蠍座，故想法近似：「當我哋計劃真係去承認時，係有顧慮同作出準備，最緊要係心態上嘅調節。（拍拖至今有冇嗌交？）冇。」

不要愛的紋身

對於去年愛情事業皆得意，William說：「其實順境同逆境係好睇心態，挑戰一定會有，但我冇咁易被擊倒，會樂意接受批評。」問到會否再有愛的紋身？他說：「唔會啦！老實講，拍戲好唔方便。（舊嗰個喺度？）係。（結婚？）太長遠喇！依家都係專注事業。（思想成熟好多？）自己講話成熟，就其實係唔成熟。」

William在專輯內首度譜寫歌詞，內容圍繞愛情為主，問到是否寫他和阿Sa的戀愛故事，憑歌寄意送給阿Sa？他說：「只想抒發感受，唔想用呢樣嘢嚟做宣傳。（好轟烈？）總之Keep住興奮，Keep住腎上腺飆升。（好滿意？）我好鍾意，係一首抒情歌，早排有啲靈感，所以即刻寫落嚟！（人哋會以為送畀阿Sa？）唔抗拒人哋咁諗，大家自己諗。」

收入增拒置業

問到錄音時會否分外投入？他不置可否的說：「易Handle，感情係投入嘅！（幫女友作歌？）唔會住。」

去年William成績不俗，愛情又有着落，談到是否豐收一年？他說：「睇住每一年工作性質範圍廣咗，豐唔豐收都要做嘅！」收入是否增加？他說：「收入係好咗。（置業？）唔會依家啦！」