李蘊做Sales煲冬瓜至掂

別以為歌手李蘊（Renee）買化妝品就多，首次穿起Sales制服的她亦似模似樣。縱使內地客人以普通話不停詢問Renee，但她亦識醒目「執生」，更成功做到第一單生意。

李蘊首次做美容公司店員，開舖前身為初級職員的她要負責打掃及執貨，除了抹乾淨店內所有塵埃，還要將新貨補添在貨架上。正式營業後，店長先派Renee做簡單的工作，負責派試飲，雖然她又靚女又有笑容，可惜派了15分鐘亦未有途人「Show」她，令她大感冇癮，更「靜雞雞」偷飲完一杯又一杯。

笑容搭夠

由於派試飲工作失利，店長只好叫Renee在櫃台熟讀產品資料，方便客人隨時詢問，豈料不足10分鐘，一名內地顧客進入店內，不停以普通話詢問有關產品的資料，幸好懂得兩文三語的李蘊立即發揮其「煲冬瓜」所長，亦以普通話說：「不好意思，我還是實習生，不如我找店長幫你。」然後她火速搵店長「幫手」，最後亦成功做成第一單生意。對於到美容店實習，Renee笑言生意難做：「依家做Sales唔單止要企得，仲要精通英文同普通話，方便其他國家旅客購物，好彩我仲有非常親切嘅笑容搭夠。」

髮型制服合標準

美容品牌DHC的制服以白色配深藍色，形象要給顧客一份「雪白企理」的感覺。據其公關Cherry透露，店長與店員制服相同，職員會在胸前的名牌打上「店長」標記。店員除了要穿上西裝制服外，還要配合白色高跟鞋，把頭髮束起及將手袖摺上，才合乎標準。